سجر البن....طلال حيدر

shamm الجمعة سبتمبر 28, 2007 7:22 am

سجر البن .. طلال حيدر
بيني وبينك سجر البن

وحبّ الهال

وزهر النوم

بيني وبينك تسع جبال

وعرب وصحرا

وغيبة يوم

بيني وبينك ضربة رمح

وفرس وسيف

وهجم الصبح

بيني وبينك طيرة طير

ونادوا كلُّن ع الفراق

وقطفني متل الصبيّر

صوت الغنّو بالعراق

رايح إسرقلك غابة،

واسرقلك جان

وعلق ع سجر البحر

عقود المرجان.

لو نقدك كان مدينة

وبالشام العرس

لاركب ع الفرس وجبلك

مفتاح القدس.